Gå til hovedinnhold

Riksteatret: «Tung tids tale» av Olaug Nilssen


Henter programmet...

Ei perle av ei bok blir teater: "Olaug Nilssen tar pusten fra leseren med sin lille roman" VG, 6. Om ei mors kjærleik og kamp for eit barn som er annleis.

Daniel er tre år, og foreldra gler seg over kor flink han er til å synge og prate. Men så sluttar snakkinga. Latteren vender seg innover. Den vesle guten endrar seg. For mora begynner ein kamp, først for å forstå kva som skjer med guten, og så for å få hjelp til å gi han den omsorga han treng. Mødrer skal aldri gi opp, blir det sagt, men kva er aksept, og kva er å gi opp?

Tung tids tale er inga heltehistorie. Det er ei historie om oss alle. Skrive med både humor, sinne og varme. Om ei mor som må gi så mye meir kjærleik enn ho kan få. Om ei mor som møter ei tyngre tid enn ho visste fanst. Midt i Norge, midt i livet, midt i kvardagen til folk.

Olaug Nilssen er ein av våre mest vitale og engasjerte forfattarar, med ein både skarp og inderleg penn, og med Tung tids tale vann ho i fjor Brageprisen. "Ei kjærleikshistorie," kallar ho sjøl boka.

Og når Riksteatret går saman med Det Norske Teatret og Kilden Teater om å lage teater av denne sterkt personlege og kritikarroste romanen, er det Marit Moum Aune som har regien. Ho er ein av våre fremste regissørar, med oppdrag for TV, film og teater, og har tidlegare laga publikumssuksessar av Olaug Nilssens Få meg på, for fanen, Vi har så korte armar og Stort og stygt. For tida er ho aktuell med Engler i Amerika på Nationaltheatret. Med seg har ho dei fire skodespelarane Jon Bleiklie Devik, Julie Moe Sandø, Marianne Krogh og Siren Jørgensen/ Charlotte Frogner, mens dramatiseringa er gjort av Toril Solvang i samarbeid med regissøren og Olaug Nilssen sjølv.

 

Sagt om romanen:

 "Man trenger ikke store bøker for å løfte fram store temaer. Olaug Nilssen tar pusten fra leseren med sin lille roman." VG (6)

"Gripende kjærlighetserklæring" Adresseavisen (6)

"Vi skjønner mer enn ordene. Får kjenne på hvordan det er å være moren til Daniel." Hamar Arbeiderblad (6)

"Noe helt for seg selv, dypt medrivende." Dagbladet (5)

"Olaug Nilssen skildrer en smerte som er så fysisk at jeg blir skjelven" Aftenposten

"Raus og styrkende om kjærlighet, samhold og håp" BT

"Olaug Nilssen har nok ein gong vist at ho er ei av Noregs skarpaste forfattarstemmer. Tung tids tale legg du ikkje frå deg upåverka." Fædrelandsvennen (5) --

 

På scena:  Jon Bleiklie Devik, Siren Jørgensen, Marianne Krogh og Julie Moe Sandø.
 

Team:

Regissør: Marit Moum Aune.

Scenograf: Even Børsum.

Lysdesigner: Ola Bråten.

Lyddesigner: Nils Wingerei.

Dramatiker: Toril Solvang.

Produsent: Emnet Kebreab.

 

Riksteatret i samproduksjon med Det Norske Teatret og i samarbeid Kilden Teater

 

Stad: Storesalen, Sogndal Kulturhus

Dato: Torsdag 13. september 2018

Tid: kl. 19:00

 

Speletid: Ikkje fastsatt endå

 

Billettprisar:

Kr. 405,-   Ordinær (voksen)

Kr. 330,-   Student, born under 16 år, honnør

Kr. 330,-   Gruppe (grupperabatt ved kjøp av 10 eller fleire billettar)

Kr. 330,-   Samarbeidspartnarar (ARJ, Bokklubben, Utdanningsforb., Sjukepleiarforb., Teatervenner og DNB-tilsette. Max 4 bill. pr. pers.)

Kr. 305,-   Coop-medlem (må oppgje kode frå Coop på nett, eller vise medlemskort ved manuelt kjøp. Max 4 billettar pr. medlem)

 

Billettar kan kjøpast her ved å klikka på klokkeslett-knappen øvst, eller i kiosken på Kulturhuset tysdag - søndag kl. 17:30 - 20:00

 

Bedriftsrabatt på meir enn 30 / 100 billettar: Kontakt sogndal@kulturhus.no

Skuleklassepris, kontakt sogndal@kulturhus.no

Følgjekort? eller scenekort? Kan kjøpa billettar på kulturhuset i kiosken sine opningtider.